Мафини со јогурт

За 6 мафини (еден оброк) потребни состојки:

2 белки
20гр протеин или 2 лажички немасно какао или рогач
1 лажичка мака во прав (не мора)
70 гр јогурт 0,5% масленост
10гр бадеми најситно сецкани
Агавин сируп
Цимет

Се мешаат сите состојки додека не се добие изедначена смеса. Се ставаат по две лажици од смесата во еден калап за мафин. Потоа секој мафин се посипува со бадемите и циметот.
Се пече 15 минути на 150 степени.
Мафините од внатре не се цврсти, туку меки како пудинг.
Доколку сакате да добиете поцврста смеса може да додадете мелени овесни снегулки.
Исто така, по желба може да додадете и овошје одозгора.